2 მაისი
მოსულა მაისიც,ვარდობის თვეა, გიჟმაჟი სიო აწ არხევს ტირიფს; ორი მაისია,ნათელი დღეა, ბუნებაც უკვე აღარა სტირის. სირინოზები სხვაგვარად გალობს, ქედანი,მტრედი მოექცა ერთად; დღეს სხვანაირი ამინდი ხარობს, დღეს სხვანაირი დილა გათენდა! ბაგეებს დასცდათ ვნებათა ღელვა, ყმაწვილთა ტრფობის მოსულა ჟამი; ყრმა ვაჟკაცების გრძნობათა ფრქვევა და ქალიშვილთა ღაწვების ალი. დღეს შემომიარა მე დაწუხებამ, მელანქოლიაც შემომერია; რა გზები იარა ამ მონატრებამ, რომ მუზები არ გამოელია… მაგრამ სევდა აღარ არს საგანი, ფერები ვიცვალე,მე,ცისარტყელამ; სხვანაირია ჩემი სავანე, დღეს უცხო ფრთები გავშალე, პეპელამ. აწ სხვანაირი იმედი მმართებს, აწ სხვანაირად ვსაუბრობ ღმერთთან; დღეს სხვანაირი ამინდი ხარობს, დღეს სხვანაირი დილა გათენდა!
© POETRY.GE 2013 - 2024
@ კონტაქტი
0 კომენტარი